12.08.2013 21:22

Skemmtilegt mót á Einarsstöðum

Á meðan margir hestamenn fylgdust með úrslitum á heimsmeistarmóti íslenska hestsins í Berlín skelltum við hjónin á Lækjamóti II okkur í Þingeyjasýsluna til að keppa á stórmóti Þjálfa á Einarsstöðum. Skemmtileg stemming var á mótinu og margir áhorfendur í brekkunni enda fjölmargir sem komu ríðandi á mótið og gistu í tjöldum.

Við höfðum með okkur sex hross til að keppa á og komum við til baka með 8 verðlaun svo það er óhætt að segja að vel hafi gengið emoticon

Ísólfur og Kristófer sigruðu B-flokk gæðinga með 8,68 og hlutu þeir einnig veglegan farandgrip fyrir hæstu einkunn á mótinu.

Vigdís og Sögn sigruðu b-úrslitin í B-flokki og fóru upp í 5.sæti í a-úrslitum með 8,46. Þær voru einnig valdar glæsilegasta parið á mótinu.

B-flokkur gæðinga A-úrslit

1	Kristófer frá Hjaltst.hv	Ísólfur Líndal	8,68
2	Vísir frá Árgerði	Stefán Birgir Stefánsson	8,51
3	Fróði frá Akureyri	Þorbjörn Hreinn Matthíasson	8,50
4	Gullinstjarna frá Höfða	Þór Jósteinsson	8,47
5	Sögn frá Lækjamóti	Vigdís Gunnarsdóttir	8,46
6	Bessi frá Skriðu	Andrea Bang Kjelgaard	8,44
7	Saga frá Skriðu	Viðar Bragason	8,30
8	Eldjárn frá Ytri Brennhóli	Erla Birgisdóttir	8,20

Í A-flokki gæðinga keppti Ísólfur á Sólbjarti frá Flekkudal og Gandálfi frá Selfossi, kom þeim báðum í a-úrslit, Sólbjarti í 7.sæti og Gandálfi í 2.sæti. Því fór svo að Vigdís keppti á Sólbjarti í úrslitunum sem var frábær reynsla fyrir knapann, enduðu þau í 8.sæti. Ísólfur og Gandálfur áttu í harðri toppbaráttu, enduðu í 2.sæti með 8,56.

A-flokkur gæðinga A-úrslit

1	Freyja frá Akureyri	Þorbjörn Hreinn Matthíasson	8,63
2	Gandálfur frá Selfossi	Ísólfur Líndal Þórisson	8,56
3	Frami frá Íbíshóli	Guðmar Freyr Magnússon	8,49
4	Tíbrá frá Litla-Dal	Þórhallur Þorvaldsson	8,48
5	Elding frá Barká	Þór Jósteinsson	8,46
6	Aþena frá Akureyri	Björgvin Daði Sverrisson	8,45
7	Prati frá Eskifirði	Sveinn Ingi Kjartansson	8,40
8	Sólbjartur frá Flekkudal	Vigdís Gunnarsdóttir	8,28

Í tölti mættum við svo með Gulltopp frá Þjóðólfshaga og Björk frá Lækjamóti og svo fór að Ísólfur og Gulltoppur sigruðu töltið nokkuð örugglega og Vigdís og Björk höfnuðu í 4-5.sæti. Ekki slæmur árangur hjá slaktaumatölturunum.

TÖLT A-úrslit

1	Gulltoppur frá Þjóðólfshaga	Ísólfur Líndal Þórisson	7,83
2	Saga frá Skriðu	Þór Jósteinsson	7,33
3	Binný frá Björgum	Viðar Bragason	7,00
4	Þerna frá Hlíðarenda	Guðrún Dögg Sveinbjörnsdóttir	6,67
5	Björk frá Lækjamóti	Vigdís Gunnarsdóttir	6,67
6	Björg frá Björgum	Fanndís Viðarsdóttir	6,50

Þar sem við hjónin vorum bæði svo upptekin að keppa þá eigum við engar myndir frá mótinu en hugsanlega verða einhverjar myndir sýnilegar á heimasíðu Þjálfa en þar má nú finna öll úrslit mótsins. http://thjalfi.123.is/

Guðmar stóð sig frábærlega eins og alltaf á þessu mótastandi foreldranna, beið rólegur meðan við kepptum og hljóp svo til okkar þegar verðlaunaafhendingin fór fram. Hann bíður nú spenntur eftir næstu helgi þegar fram fer íþróttamót Þyts og boðið er upp á pollaflokk en hann og Rökkvi ætla að sjálfsögðu að mæta þangað! emoticon

Guðmar slakar á yfir DVD á leiðinni heim eftir skemmtileg hestamót

Skrifað af Vigdís

Tengill á færslu

Bæta við áliti

Sýna álit

Flettingar í dag: 73

Gestir í dag: 15

Flettingar í gær: 367

Gestir í gær: 34

Samtals flettingar: 214928

Samtals gestir: 34576

Tölur uppfærðar: 16.4.2024 11:36:56

LÆKJAMÓT | 531 HVAMMSTANGI - ÍSLAND | +354 4512570 | [email protected]