Sonja fór nýverið í inntökupróf fyrir reiðkennaradeildina á Hólum, sem gekk með svo miklum ágætum að hún komst inn. Í vetur er í síðasta skiptið sem verður boðið uppá reiðkennaradeild með gamla sniðinu svo Sonja ákvað að slá til þrátt fyrir að hún stundi nám við dýralækningar. Hún er þó hvergi nærri hætt því, heldur tekur þetta hliðarspor sér til gagns og gamans og heldur svo dýralæknanáminu áfram. Það er því spennandi íslenskur vetur sem bíður litlu fjölskyldunnar, Friðrik mun stunda tamningar og þjálfun hrossa og Jakob mun sækja Skagfirskan leikskóla. En fyrst tekur við danskt haust með námi, kynbótastörfum, reiðkennslu og fyrstu stundum Jakobs inná leikskóla.