14.07.2013 22:00

Gríðarsterku Íslandsmóti lokið

Þá er fjölskyldan á Lækjamóti II komin heim aftur eftir tveggja vikna hestamótamaraþon sem hófst eins og áður sagði hér á heimasíðunni með Fjórðungsmóti á Kaldármelum og lauk í dag með úrslitum á Íslandsmóti í Borgarnesi. 
 
Íslandsmótið var mjög sterkt, bestu hestar og knapar landsins í öllum greinum og þurfti háar einkunnir til að komast í úrslit. Svo fór að Ísólfur náði þeim frábæra árangri að keppa í þremur úrslitum.


Fyrst með Sólbjart frá Flekkudal í B-úrslitum í 5.gangi þar sem þeir enduðu í 9.sæti með einkunnina 7,12. 


Þeir Ísólfur og Freyðir frá Leysingjastöðum II mættu síðan galvaskir í A-úrslit í tölti eftir að hafa unnið sig upp úr B-úrslitum. Svo fór að þeir urðu í 5.-6. sæti með 8,28 í einkunn. Sama dag fóru þeir félagar í A-úrslit í 4.gangi og urðu í 5.sæti með 8,0 í einkunn. Ekki slæmur árangur fyrir hest sem fyrir viku síðan fór í 9,01 í gæðingakeppni!


Verðlaunaafhending í 4.gangi

Sonja og undirrituð tóku þátt á Íslandsmótinu í fyrsta sinn, var það mjög skemmtilegt og fer beint í reynslubankann.
Sonja og Kvaran frá Lækjamóti kepptu í fjórgangi og tölti 


Sonja keppti á Návist frá Lækjamóti í 5.gangi


Vigdís og Sögn frá Lækjamóti kepptu í tölti
Flettingar í dag: 84
Gestir í dag: 27
Flettingar í gær: 157
Gestir í gær: 52
Samtals flettingar: 1036345
Samtals gestir: 221205
Tölur uppfærðar: 14.11.2018 15:34:11
LÆKJAMÓT  |  531 HVAMMSTANGI - ÍSLAND  |  +354 4512570  | laekjamot@laekjamot.is